Saints bretons à découvrir

AR SKLAERDER (Job an Irien)

Amzer-lenn / Temps de lecture : 2 min

Lennet war Ya

 

Da vare Hanter-Eost e vez pardon Itron-Varia ar Sklaerder e Kerien, e Kombrid, e Plonevez-Porze… Ur chapelig gouestlet da Itron-Varia ar Sklaerder a gaver ivez e Kernouez, e Bro-Leon, met n’eo ket anavezet koulz lavaret, ha koulskoude e talvez ar boan mont da welet anezhi, rak ul lec’h kaer-kenañ eo, hag ouzhpenn he deus un istor dic’hortoz a-walc’h, peogwir eo bet kempennet gant sikour tud eus Kerne-Veur ! En ur ober « Tro-Sant-Paol » omp bet o welet anezhi.

 

Ar chapelig-se a oa bet savet er 16ved kantved e-kichen ur feunteun brudet evit sikour ar vugale da vale, ha gouestlet da Itron-Varia ar Sklaerder. E-pad an Dispac’h, ar beleg Hamelin, hag a oa bet kulator an alvokad Le Flo eus Lesneven, a gavas repu gant ar familh Harding, eus Trelawy, e Kerne-Veur. Drezañ e teuas ar familh-se da vezañ katolik. Goude an Dispac’h, etre 1810 ha 1830, e teuas zoken ar familh Harding da chom e Kastell-Paol, hag o doe tro e-pad ar mare-se da anaout ha da garet kalz ar chapelig. Ar beleg Chauvel, hag a oa bet chapalan ganto e Trelawy, a voe anvet da berson e 1835 e Kernouez. Un tangwall a zistrujas ar chapel e 1836. Gant ar familh Harding e voe sikouret kalz ar person da adsevel ar chapel, hag a gendalc’h hirio da zegas soñj eus hor breudeuriaj gant Bretoned tramor.

Diouzh o zu, ar familh Harding a roas an anv « Sklaerder » d’ar manati a savjont war o douaroù e Trelawy e Kerne-Veur. Ul lec’h kaer, sioul ha leun a vleunioù eo chapelig ar Sklaerder e Kernouez, e traoñ ar bourk. Un dudi evit an daoulagad hag ar galon, hag evit an treid ma fell deoc’h lakaat anezho e dour ar feunteun !

À propos du rédacteur Eflamm Caouissin

Marié et père de 5 enfants, Eflamm Caouissin est impliqué dans la vie du diocèse de Vannes au niveau de la Pastorale du breton. Tout en approfondissant son bagage théologique par plusieurs années d’études, il s’est mis au service de l’Eglise en devenant aumônier. Il est Directeur de Publication d'Ar Gedour. Après avoir co-écrit dans le roman Havana Café, il a publié en 2022 son premier roman "CANNTAIREACHD".

Articles du même auteur

29 a viz Geñver : Sant Gweltaz / 29 janvier : Saint Gildas

Amzer-lenn / Temps de lecture : 2 minGweltaz (Gildas) a voe ganet e fin ar …

Redécouvrez les cantiques bretons du doyenné de Gourin ce dimanche 29 janvier 2023

Amzer-lenn / Temps de lecture : 2 minIl existe parfois des initiatives qui restent si …

Laisser un commentaire

Votre adresse e-mail ne sera pas publiée. Les champs obligatoires sont indiqués avec *