Saints bretons à découvrir

Ur voest sonerezh “O Rouanez karet an Arvor” evit pediñ gant ar vugale

Amzer-lenn / Temps de lecture : 2 min

Ar Gedour a ginnig deoc’h ar voest sonerezh gentañ e brezhoneg, asambles gant an embregerezh Picoti-Picota. Da heul ar voest sonerezh evit an “Añjelus” war an ton iwerhonek Greensleeves, Picoti-Picota en deus labouret gant Ar Gedour evit sevel ur voest sonerezh e brezhoneg war ton ar c’hantik brudet “O Rouanez karet an Arvor” (klikit amañ evit sellout ouzh ar paozioù war lec’hienn Kan-Iliz).

Embannet e vo ar voest e fin ar miz, adalek ar 26 a viz Here 2020, met arabat gortoz re evit he frenañ, peogwir e vo un niver bihan a voestoù savet. Ma faot deoc’h profañ ar voest da vare an Nedeleg, gwelloc’h he frenañ hiziv evit bout sur e chomo unan evidoc’h.

Da vare an niverel hag an traoù difestis, ur voest sonerezh ‘zo ur benveg fetis a-feson evit sikour an tiegezhioù da lakaat brezhoneg er gêr. Savet eo bet gant Olivier Michel (kaner, sonaozer, penn laz-kana…), gant ar pal sikour ar vugale da bediñ e brezhoneg ! Ar voest sonerezh a vo lakaet e-barzh ur voest-gartoñs, kinklet brav gant Lucie Minne. Bep taol ma lakaer an dornikell da dreiñ e vez klevet ar c’hantik brudetañ gouestlet da Santez Anna : O Rouanez karet an Arvor, o Mamm lan a druez, war an douar, war ar mor, gouarnit ho pugale.

Ur prof a-feson evit ur c’hanedigezh, ur vadeziant, pe pask kentañ  ur bugel, un doare da lakaat war-wel Ar Gedour e-touez ar familhoù, hag un doare ivez da sikour Ar Gedour da gas da benn raktresoù evit ar feiz hag ar brezhoneg.

Ar voest gartoñs zo 6cm he hirder, 5 cm he ledander, ha 3cm he uhelder. Ar voest sonerezh Picoti Picota® n’eo ket ur c’hoari met ur benveg sonerezh.

Gwerzhet e vez ar voest da 12€, hag an arc’hant rastellet a servijo da sikour Ar Gedour – Ret e vo deoc’h paeañ 4€ a frejoù kas evit Breizh ha Bro-C’hall. Deuit e darempred ganeomp ma faot deoc’h e vefe kaset ar voest en estrenvro.  Posupl eo paeañ dre b/Paypal a-drugarez d’al liammoù amañ dindan. N’ho peus ket c’hoant da urzhiadiñ enlinenn ? Pe faot a ra deoc’h paeañ gant ur chekenn ? Kudenn ebet, leugnit ar baperenn urzhiadiñ-mañ ha kasit anezhi deomp !

Ma faot deoc’h profañ ar voest d’unan bennaket, e c’hellomp kas anezhi war-eeun d’an hani a faot deoc’h, gant ur gemenadenn bersonelaet skrivet ganeoc’h (ar voest sonerezh + ar gemenadenn bersonelaet : 14€ + frejoù kas)

Prenañ ar voest nemetken Ar voest + ur gemenadenn bersonelaet

 

À propos du rédacteur Florent Grouin

Trentenaire, marié, père de famille, et chrétien engagé dans la cité. Florent Grouin est impliqué dans de nombreux projets associatifs ou politiques pour la Bretagne et la promotion de la langue bretonne.

Articles du même auteur

Brezhoweb, la web-tv 100% en langue bretonne.

Petra ‘zo nevez e brezhoneg ‘ba ‘r vro ? / L’agenda des nouveautés en langue bretonne

Diwar vremañ e vo kinniget deoc'h gant skipailh Brezhoweb, un deiziataer bep miz 'vit lakaat war-wel al levrioù, an darvoudoù, an abadennoù radio pe ar videoioù nevez da welet e brezhoneg. / À partir d'aujourd’hui, l'équipe de Brezhoweb proposera un agenda culturel en breton mensuel, pour mettre en avant les nouveautés en langue bretonne.

Annie Ebrel war roudoù Anjela Duval - 4 munud e Bzh

Annie Ebrel war roudoù Anjela Duval / sur les trace d’Anjela Duval

Peizantez, barzhez, stourmerez 'vit ar brezhoneg : sed amañ Anjela Duval 'vel ma anavezomp anezhi hiziv an deiz. Met piv 'oa ar vaouez hag ar plac'h 'drek ar gwiskamantoù-se ? / Paysanne, poétesse, militante en faveur du breton : voici Anjela Duval telle que nous la connaissons aujourd'hui. Mais quelle était la femme cachée derrière cette façade ?

Laisser un commentaire

Votre adresse e-mail ne sera pas publiée. Les champs obligatoires sont indiqués avec *