“Pedenn d’an Aotrou Perrot” gant Anjela Duval

Amzer-lenn / Temps de lecture : 2 min

D’ar Yaou 12 a viz Kerzu : 70vet deiz ha bloaz drouklazh an Aotrou Perrot

 

abbé perrot, pedenn, brezhoneg, anjela duval

Beleg ha Merzher

D’an 12 a viz Kerzu 1973, da geñver tregontvet deiz-ha-bloaz marv kriz an Aotrou Yann-Vari Perrot, person Skrignag, rener Feiz ha Breiz. Brogarour ha difennour hor yezh.

Joa d’an Anaon !

 

Aotrou Yann-Vari Perrot, abostol ha merzher Breizh, pedit evidomp, Bretoned klouar ha diboell.

Pedit an Aotrou da virout dimp hor Mammvro ha da virout ar Feiz e Breizh.

Obtenit deomp ar C’hras a Emglev, a Gengarantez, a sklêrijenn.

Obtenit deomp an nerzh da stourm evit ar Frankiz, al Lealded, ar Reizh.

Obtenit deomp ar c’hras da derriñ hon hual hep na redo gwad hor gwaskerien, ha nebeutoc’h c’hoazh, gwad hor Broiz.

Aotrou Perrot, merzher, c’hwi hag hoc’h eus baleet digenvez war hentoù digompez hor Bro, bezit hon skoazell.

C’hwi hag a zo kouezhet en Hent, drouklazhet gant un trubard d’e Vro, obtenit dimp mont betek penn an Hent n’hoc’h eus ket gallet tizhout.

Obtenit deomp, merzher benniget, ma vo selaouet Breizhiz pa c’houlennont ar Gwir da vout o mistri o-unan en o Bro.

Obtenit d’ar Vretoned ar sklêrijenn da ’n em ren war-zu ar pal a-dreuz teñvalded ha gwidreoù-spered o Enebourien.

Aotrou Perrot, beleg divlam, pedit evit beleien Breizh, touellet gant treuzvenozioù ar c’hantved-mañ.

Obtenit deomp kaout en hor gouenn Kuzulierien fur ha Renerien spiswel.

Obtenit da Vreizhiz kaout labour ha bara en o Bro. Kaout tommder un oaled evit pep tiegezh.

Kaout nerzh ha yec’hed evit gounit bara ar c’horf hag ar spered gant o labour.

Roit deomp kelennerien vrogar evit ma vo desket da vugale Vreizh Istor o Bro, hor gouenn, degaset dezho soñj eus hor Harozed, Tud-Veur an Amzer gent. Tadoù ar Vro.

Aotrou Yann-Vari Perrot, c’hwi ha n’hoc’h eus goulennet morse nemet ar pezh ’oa reizh : ar gwir da implijout hor yezh e pep doare ha war bep tachenn : en ti, er maez, er skol, en iliz hag en holl darempredoù ofisiel. Obtenit deomp tud ampart da gaeraat c’hoazh yezh hon tadoù ma splanno en oabl al Lennegezh etrevroadel.

Obtenit deomp ma vleunio a-nevez ar Brezhoneg war vuzelloù ar Plant yaouank e kêr ha war ar maez, ha ma vo douget dre-holl doujañs d’hor Yezh evel arouez ur Bobl kadarn.

            Amen.

 

12 a viz Kerzu 1973

Source : www.breizh.net dre Emglev an Tiegezhioù 

Skrid Orin 

À propos du rédacteur Eflamm Caouissin

Marié et père de 5 enfants, Eflamm Caouissin est impliqué dans la vie du diocèse de Vannes au niveau de la Pastorale du breton. Tout en approfondissant son bagage théologique par plusieurs années d’études, il s’est mis au service de l’Eglise en devenant aumônier. Il est le fondateur du site et de l'association Ar Gedour et assure la fonction bénévole de directeur de publication. Il anime aussi le site Kan Iliz (promotion du cantique breton). Après avoir co-écrit dans le roman Havana Café, il a publié en 2022 son premier roman "CANNTAIREACHD".

Articles du même auteur

Téléchargez KELEIER BREIZ SANTEL de mars 2024

Amzer-lenn / Temps de lecture : 1 minComme tous les mois sur Ar Gedour, retrouvez …

jesus au mont des oliviers

JEUDI SAINT : Deomp holl da Liorzh Olived

Amzer-lenn / Temps de lecture : 2 minJeudi Saint. Après le repas de la Cène, …

Un commentaire

  1. On peut se procurer une carte-souvenir réalisée par Anne Floc’h : portrait de l’abbé Perrot en couverture ; en pages intérieures, prière d’Anjela Duval en breton et sa traduction (inédite ?) en français. Au verso, bref rappel historique.
    A voir sur http://koatkeo.canalblog.com/ Ecrire à koatkeo@sfr.fr

Laisser un commentaire

Votre adresse e-mail ne sera pas publiée. Les champs obligatoires sont indiqués avec *