Chemin de croix en ligne, bilingue, autour des tableaux de Xavier de Langlais

Gouelit va daoulagad

1. Gouelit, va daoulagad, setu marv Jezuz !
Marv Jezuz ’vidomp, pec’herien gwalleürus

Diskan. Marv Jezuz ’vidomp war beg menez Kalvar.
Pe galon ne ranno gant keuz ha gant glac’har ?

2. Tosta, pec’her, ha deus, sell mat ouzh da labour,
Pep pec’hed graet ganit ’zo amañ, torfedour.

3. Deus da gichen ar groaz, ha gouel d’az pec’hedoù,
Soñj mat int bet penn-kaoz da grizder e boanioù.

4. Ma ’z eo ruziet e gorf gant ar gwad o redek,
Te a dle e walc’hiñ gant da zaeloù dourek.

5. Evit skuilhañ daeloù, evit touch da galon,
N’ac’h eus nemet gwelet poanioù e Basion.

6. N’eus nemet eur gouli eus an treid bete ’r penn ;
Kurunet eo gant spern… Na pebezh kurunenn !

7. E gorf ’zo dispennet, e izili brevet,
E dreid hag e zaouarn gant tachoù hir treuzet.

8. Gant ar c’hrañch hag ar gwad e zremm ’zo dislivet,
Ha gant goaf ur soudard, e gostez digoret.

9. Pec’her ha pec’herez, c’hwi her c’hrusifi c’hoazh :
Hag ho kalon sklaset ’zo ’vitañ ’vel ur groaz.

10. Evit ho kervel c’hoazh, e ’benn a zo stouet,
E galon ’zo digor, e zivrec’h astennet.

11. Kristenien, emezañ, distroit eta ouzhin ;
Mar ho peus keuz gwirion, pardoniñ a fell din.

12. ‘N ur vervel ouzh ar Groaz, ‘peus komzet ouzh ho Tad

«Pardonit me ho ped ‘balamour din Ho Mab»

13. Diskennet diouzh ar Groaz, d’E Vamm ez eo roet.

Divempret-holl ha noazh, ‘vidomp en deus paeet.

14. Setu amañ eta, Jezuz hon Dasprener,

bet lakaet en ur bez, hon Aotrou, hor Salver.