Faot a ra deoc’h gounit plasoù evit abadenn tan-ha-kurun Santez-Anna-Wened ?

Bep bloaz e vez aozet un arvest en enor da Santez-Anna-Wened e Keranna, un abadenn tan-ha-kurun (“Son ha Gouleier” e galleg prop ha flour) diwar-benn Yvon Nikolazic ha Pierre de Keriolet. Ar sizhun a zeu e vo kinniget deoc’h gant Ar Gedour gounit plasoù evit mont da welet an arvest, evel bep bloaz abaoe un nebeud bloavezhioù ‘zo.

Evit goût penaos, ha pegoulz e vo posupl gounit plasoù, ret e vo deoc’h bout aketus, ha sellet ouzh Ar Gedour bemdez ar sizhun a zeu war hol lec’hienn, hor rouedadoù sokial, pe sellet pizh ouzh al lizher-kelaouiñ.

Dre an arload ARZONE

Posupl e vo deoc’h gounit daou blas ivez a-drugarez d’ar vandenn-treset “Keranna l’histoire de sainte Anne d’Auray“. Muioc’h a ditouroù a vo roet deoc’h a-benn nebeud, met bez e c’hellit dija pellgargañ an arload ARZONE war Google Play pe war ar Playstore.

Emgav bemdez war lec’hienn Ar Gedour evit bout sur da gemer perzh er genstrivadeg.

Ur c’hinnig ispisial evit ar re goumanantet d’al lizher-kelaouiñ

Ma ‘z oc’h koumanantet d’al lizher-kelaouiñ (hag evit ar re goumanantet nemetken), e vo kinniget deoc’h un distaol ispisial evit mont d’an abadenn. Poent e deoc’h c’hoazh en em enskrivañ evit resevout keleier Ar gedour.