Ar Gedour Actualité spirituelle et culturelle de Bretagne
Sant Padern a seblant bezañ bet ganet, n’eo ket e Breizh-Veur, met en Armorika, er 5-vet kantved. Kemer a ra perzh er sened bet dalc’het e Gwened e 465, gant c’hwec’h eskob eus arc’heskopti Touroni (Tours).
Moarvat d’ar c’houlz-se e oa diaezamantoù etre Armorikaned kozh bro-Wened hag ar Vrezhoned o tegouezhout eus Breîzh-Veur gant o menec’h, o eskibion, hag o beleion. Diaes eo lavarout un dra bennak, rak n’ouzomp netra pe dost na war Sant Padern e-unan, na war stad an Iliz e Breizh en e amzer. Marvet e vefe bet d’ur 15 a viz Ebrel. E gorf a voe interet en iliz Sant Padern e Gwened. Sellet eo evel eskob kentañ. Gwened, hep ma vefe un dra peursur : eskibion a c’hell bezañ bet e Gwened en e raok, pa ouzomp ez eus bet anezho en Naoned a-dal an trede kantved.
Pedomp : Grit ur sell a vadelezh, Aotrou Doue, ouzh hoc’h Iliz a Wened, hoc’h eus degaset da gentañ d’ar feiz dre labour abostolek Sant Padern, ha teurvezit bremañ, dre e bedenn evidomp, hon mirout bepred en ho toujañs hag en ho karantez. Dre Hon Salver Jezuz-Krist, Amen.
Source : Kelc’h Katolik
