17 a viz Mezheven : SANT HERVE, ABAD

Hervez hengoun bro-Dreger e vefe bet ur penitiour. Herve en deus merket ar vro gant e vuhez a bedenn hag a binijenn, Dall evel ma oa, e veze bleniet gant e ziskibl Gwic’haran, a vez skeudennet en e gichen o reiñ an dorn dezhañ. Moarvat ez eus da virout ar pezh a lavarer diwar-benn e roll e sened ar Menez-Bre, lec’h ma voe barnet Konomor. Patron ar Varzhed, eo bet lakaet war e gont kantik ar baradoz, met moarvat eo bet savet gant Mikael an Noblez.

Hervez hengoun bro-Leon, e voe ganet e Lanrioul e Plouzevede. Ganet dall e voe skoliet gant ar penitiour Arzian e Plougerne. Sturiet e voe neuze gant e eontr Sant Urfol e Lanrivoare. Diwezhatoc’h e vefe aet da ziazezañ ur manati e Lanhouarne. (memor ret e Kemper, diret e Sant Brieg)

Pedomp ; Aotrou Doue, d’an den dall Sant Herve hoc’h eus roet galloud da vezañ mestr war nerzhioù an droug, ar c’hoant da veuliñ hoc’h Anv hag al levenez da welout, hag en c’hoazh er bed-mañ sklerijenn ho paradoz ; dre nerzh e bedenn, hon gwriziennit en ho sklerijenn, ha lakit da greskiñ ennomp ar c’hoant d’ho meuliñ. Dre Hor Salver Jezuz-Krist, Amen.