Saints bretons à découvrir

28 a viz Gouere : SANT SAMZUN, ESKOB.

Amzer-lenn / Temps de lecture : 1 min
Chapelle St Samson -Neulliac (Photo Ar Gedour – DR)

Sant Samzun a zo bel ganet war-dro 480 er C’hlamorgan, e kreisteiz Kembre. E dad Ammon, marc’heg e servij kont Klamorgan, a venne ober eus e vab un den a vrezel. Met hemañ, dedennet gant traoù Doue a antreas e manati Ildud e Lanwit-Bras. Bet stummet gant ar manac’h brudet, Samzun a c’houlenn an aotre da vevañ en digenvez en enezenn Kaldei, e kreisteiz kontelezh Pembrok, war-dro 510, lec’h ma teuas un toullad diskibion da vevañ gantañ, en o zouez e bemp breur hag e dad e-unan. Goude un nebeut bloavezhioù en Iwerzhon, e tistro da Galdei. Met e vrud a zo brasoc’h-brasañ : eskobet eo gant Dubrig. Nebeut goude-se e treizh Mor Breizh evit mont da Armorika. Dilestrañ a ra e-kichen Konk-Aven, hag en em ziazezañ el lec’h m’emañ hiziv iliz-veur Dol. Emaomp e 548.

Ac’hano en em ledo abostolerezh Sant Samzun war Aodoù an Domnonea a-bezh, betek bro-Leon, ha sed aze orin ar pezh a zo bet anvet enezadennoù Dol e hanternoz Armorika, a zo chomet anezho betek an Dispac’h. E-pad e veajoù e fizie Samzun e vanati-eskopti e renerezh Sant Teliav (Gouel ar 25 a viz Du). N’eo ket Teliav koulskoude a gemero lec’h Sant Samzun goude e varv, met Maelor (Maeler), a lidomp d’ar 15 a viz Here.

Pedomp : Selaouit gant madelezh, Aotrou Doue, pedenn ho pobl e gouel hoc’h eskob Samzun, pa c’houlenn ho spered a furnez d’ar re karget da ren hoc’h iliz, ha blegnit ho tud fidel war hent ar santelezh ma vezint gloar o fastored hag o joa beurbadel. Dre Jezuz-Krist ho Mab hag hon Aotrou, a vev hag a ren a-unan gant ar Spered Santel, Amen.

Testenn tennet eus Kelc’h Katolik

Kantik eus chapel Sant Samzun (Neullieg)

À propos du rédacteur Eflamm Caouissin

Marié et père de 5 enfants, Eflamm Caouissin est impliqué dans la vie du diocèse de Vannes au niveau de la Pastorale du breton. Tout en approfondissant son bagage théologique par plusieurs années d’études, il s’est mis au service de l’Eglise en devenant aumônier. Il est Directeur de Publication d'Ar Gedour.

Articles du même auteur

[SAINTE ANNE D’AURAY] Youenn Caouissin en dédicace le 26 septembre 2021

Amzer-lenn / Temps de lecture : 1 minYouenn Caouissin, qui vient de publier “Yann-Vari Perrot, …

Soirée spéciale Tro Breiz : le replay

Amzer-lenn / Temps de lecture : 1 minAu cas où vous l’auriez manquée, revivez ci-dessous …

Laisser un commentaire

Votre adresse e-mail ne sera pas publiée. Les champs obligatoires sont indiqués avec *