Ar Gedour Actualité spirituelle et culturelle de Bretagne
Gwelout a reomp amañ pe a-hont e Breizh, chapelioù, feunteunioù pe lec’hioù o tougen anvioù sent ha n’ouzomp netra diwar o fenn, evito koulskoude da vezañ tud a-bouez e istor relijiel hor bro. A-wechoù n’eo chomet nemet un anv, ha c’hoazh, n’omp ket sur bepred eus ar stumm en deus miret pe gemeret. Dleet eo dimp o lidañ dirak an Aotrou Doue, hag o fediñ da vezañ dimp ur skoazell, int hag a zo bepred hon alvokaded dirak an Aotrou, hag evito da vezañ dam-ankouaet e-touez diazezourion ar Vreizh beurbadel.
Pedomp : Aotrou Doue, c’hwi hag hoc’h eus grataet d’hon bro bezañ diazezet war ur bobl diniver a sent, roit dimp ar c’hras da gaout anezho dirazoc’h da alvokaded vadelezhus, ma vezimp divrall da viken er feiz o deus kelennet ha bevet, da c’hortoz kaout lod en o gloar e Breizh ar beurbadelezh. Dre H.S.J.K. Amen
Tennet eus Kelc’h Katolik
