Saints bretons à découvrir

Aet eo Garmenig Ihuelloù-Ar Menn da Anaon

Amzer-lenn / Temps de lecture : 2 min

Aet eo Garmenig Ihuellou (intañvez Gwennole ar Menn) da Anaon. Ur skrivagnerez vrezhonek anavezet mat eo, a orin eus Langoned, ganet d’an 29 a viz Gwengolo 1934 e Porzh ar Roue, e Pariz (14vet arondisamant).

Kelenn a ra brezhoneg e Sant Brieg e-lec’h m’emañ o chom. Graet deus he studioù er skolaj-lise teknikel Albert de Mun e Pariz 7vet. Eus ar 4re klas betek ar c’hlas termen eo bet Garmenig Ihueloù en ur skol evit stummañ kelennerezed war an arzoù-dilhad. Kelennet he deus dreist-holl an danvezioù hollek : galleg, istor, geografiezh, treserezh. Bet he deus un nebeud diplomoù, en o zouez, ur vestroniezh war ar brezhoneg e Roazhon. Kelenn a rae Garmenig an arzoù-kaer e skol Diwan Sant-Brieg ha brezhoneg e Lise Renan Sant-Brieg.

A-viskoazh he deus skrivet, adalek ar mare ma ouie skrivañ ha lenn. Ar wech kentañ, e voe embannet he fennadoù war gelaouenn Bleimor, Sturier hec’h anv. Danevelloù ha barzhonegoù a skrive e gallek hag e brezhoneg abaoe pell a-raok. Aliet e voe dezhi kas anezho da Al Liamm. Embannet int bet un nebeud amzer goude.

Betek an oad a 14 vloaz eo bet savet e Langoned hag en Drinded gant he div mamm-baour, rak marv e oa dija he daou dad-paour. An holl dud a gaozee brezhoneg eno d’ar c’houlz-se. En iliz e oa pep tra e brezhoneg, ar pedennoù, er skol ivez, daoust ma ne oa aotre ebet da gomz brezhoneg, nemet galleg ken, er skolioù publik ha prevez. Tud Garmenig a laboure e Pariz. Neuze eo aet da vevañ ganto pa oa en oad da vont er skolaj. Desket he deus lenn ha skrivañ un tamm ar yezh peurunvan e Ker-Vreizh, e karter Montparnasse.

Bet eo bet ezel eus kalz a gevredigezhioù evel : Bleimor, Kendalc’h, KEAV ( Kamp etrekeltiek ar Vrezhonegerien), Al Leur Nevez, Ar Falz. Re-all gant ur gelaouenn hag emvodoù e-pad ar bloaz : KAVY (Kevredigezh ar vrezhonegerien yaouank) savet gant Erwan Evenou, ha Ti-Yaouankiz savet gant Gwennole ar Menn.

Dimezet e oa Garmenig gant Gwennole ar Menn (+2009). Pevar bugel o deus bet : Brieg, Riwal, Tangi ha Malo. O vevañ emañ bremañ e Sant-Brieg abaoe meur a vloavezh.

Lidet a vo an obidoù e Langoned d’ar gwener 27 a viz Ebrel 2018, da 2h30 goude-merenn.

Garmenig Ihuellou, épouse de Gwennolé Le Menn (mort en 2009), vient de décéder à l’âge de 83 ans. Très impliquée dans le milieu culturel breton, elle donnera naissance à quatre fils, élevés en breton et tous actifs aujourd’hui au service de la culture bretonne. Ses funérailles auront lieu vendredi 27 avril à 14h30, à Langonnet.

Evit gouiet muioc’h, klikit amañ

Photo : Konan Gireg — Labour an-unan : Garmenig Ihuelloù e Kamp ar Vrezhonegerien e Logivi-Plougraz e 1966.

À propos du rédacteur Redaction

Les articles publiés sous le nom "rédaction" proviennent de contributeurs occasionnels dont les noms sont publiés en corps de texte s'ils le souhaitent.

Articles du même auteur

Aujourd’hui 7 Juin, nous fêtons saint MÉRIADEC, Évêque de Vannes

Amzer-lenn / Temps de lecture : 5 minNé en Armorique en 628, il était de …

1er Juin : Saint Ronan et Bienheureuse Ermengarde d’Anjou

Amzer-lenn / Temps de lecture : 7 min Aujourd’hui 1er Juin. nous fêtons deux saints …

Laisser un commentaire

Votre adresse e-mail ne sera pas publiée.