Benead XVI : ur paboni hengounel hag arnevez

Dilez Hon Tad Santel ar Pab hon laka da soñjal en dilez kentañ zo bet er Grennamzer peogwir ez eo ret distreiñ c’hwec’h kant vloaz ‘zo war hon giz, da vare Gregor XIII, evit adkavout kement-se. Lod a c’houlennfe : blaz ar c’hozh ? E gwirionez emaomp kentoc’h a-du gant ar re a soñj dezho ez eo an dilez-se arnevez-kenañ !

Ma reas anv eus gwanidigezh e nerzhioù evit kantreizhañ an diviz a reas e voe en abeg d’an nerzhioù a vez ret endevout evit bout war sez Pêr en deiz a hiziv. Dre embann e soñj e latin ha war ar c’henrouedadoù sokial a seurt gant Twitter e tiskouezas e oa arnevez — pe vodern, mar karit — e zoare, dres peogwir e oa chomet feal d’an hengoun ha stag outañ evel e vezer stag ouzh un awen divarvel. Dre se e lakaas da anaout ne oa ket eus a bibion hengounelour war un tu hag a bibion arnevez war an tu arall. Na hengounelour, na arnevez, bout e voe ur Pab da gentañ-penn, da lavarout eo an Aotrou ‘n eskob a Roma ha mat pell ‘zo. Klaskomp diverrañ degasadennoù pouezusañ paboni Benead XVI.

Pennad da lenn war lec’hienn Emglev an Tiegezhioù.