D’an deiz kentañ a viz Du : AN HOLL SENT (Gouel meur)

Photo E. Caouissin (DR)
Amzer-lenn / Temps de lecture : 2 min

Amañ kevret teir meulganenn troet diouzh al latin diwar liderezh an eurioù gouel-meur an Hollsent. Trugarez da Paol Kalvez evit an troidigezh. 

Gouel an Hollsent laouen ha santel deoc’h !!!

MEULGANENN (war don «m’hoc’h ador Doue va Salver)

Ouzhimp, o Krist, ho pet truez,

p’hon eus ho Mamm da batromez

a c’houlenn diganeoc’h ho krad

evidomp holl, o Salver mat.

 

Ha c’hwi, Aeled eürus an neñv, r

rannet e nav armead kreñv,

hon diwallit enep ar gwall,

bremañ ivez evel gwechall.

 

C’hwi, Ebestel ha Profeded,

dirak hor barner, ni ho ped,

goulennit dimp e drugarez

evit pec’hedoù hor buhez.

 

O Merzherien gwisket e ruz,

Koñfesored pur ha nerzhus,

galvit da vro ar sklerijenn

ho preudeur en deñvalijenn.

 

Strollad dinamm ar Gwerc’hezed,

Menec’h sentus hag Ermited,

c’hwi holl antreet er gwir vro,

aozit ul lec’h dimp en neñvoù.

 

D’an tri Ferson eus an Dreinded,

an Tad, ar Mab hag ar Spered,

meulgan ha gloar ha karantez

digant an dud hag an Aelez. Amen.

 

 

MEULGANENN (war un ton Pange Solemnes anavezet amañ eo kantik sant Alar)

Krist, annezad meur bro ar gouloù divent,

buhez, hent, esper, silvidigezh ar Sent,

gant hegarated klevit ar veuleudi

a brofomp deoc’h-c’hwi

 

Bepred emañ kor ar speredoù eürus

ouzh ho pennigañ ahont en neñvoù skedus ;

ha pobl an holl Sent gant o mouezhioù disi

‘gan ho meuleudi.

 

Dre zellidoù flamm Mari c’hlan, ar Werc’hez,

re an holl dud vat bodet en ho palez,

‘lec’h hor c’hastizañ evel ma’z eo dleet,

roit dimp remed.

 

Grit dimp-ni bremañ boulc’hañ ar veuleudi

hon eus spi drezoc’h da genderc’hel ganti.

pa vezimp en neñv o veulganañ bepred

gloarioù an Dreinded. Amen.

 

 

MEULGANENN (war don M’hoc’h ador adarre pe un ton all eizhsilabennek all)

Jezuz, O Redemptor ar bed,

deuit da sikour ho fideled ;

ha c’hwi, Gwerc’hez a drugarez,

pedit ‘vidomp gant madelezh.

 

Miliadoù Aeled an neñvoù,

c’hwi, strollad an Uheldadoù,

gant laz-kan an diouganerien,

goulennit ‘vidomp ar pardon.

 

O diaraoger ar Pried,

Abostoled ha diskibled,

douger alc’hwezioù an neñvoù,

torrit diouzhimp hor chadennoù.

 

Bagad ruz-tan ar verzherien,

koñfesored ha beleien,

gwerc’hezed leun a burentez,

gwalc’hit diouzhimp hor fallentez.

 

Ha c’hwi menec’h gant ho mouezhioù,

koulz hag an holl ‘zo en neñvoù,

hor skoazellit pa c’houlennomp

ar gwir vuhez da zonezon.

 

Jezuz, deoc’h-c’hwi bezet ar c’hlod,

koulz ha d’an Tad ha d’ar Spered

ma ‘z eo splannder ho sklerijenn

ar Sent da viken. Amen.

 

À propos du rédacteur Eflamm Caouissin

Marié et père de 5 enfants, Eflamm Caouissin est impliqué dans la vie du diocèse de Vannes au niveau de la Pastorale du breton. Tout en approfondissant son bagage théologique par plusieurs années d’études, il s’est mis au service de l’Eglise en devenant aumônier. Il est le fondateur du site et de l'association Ar Gedour et assure la fonction bénévole de directeur de publication. Il anime aussi le site Kan Iliz (promotion du cantique breton). Après avoir co-écrit dans le roman Havana Café, il a publié en 2022 son premier roman "CANNTAIREACHD".

Articles du même auteur

Pedomp sant Jozef, Pried ar werc’hez glorius Vari

Saint Joseph fut l’homme juste, issu de la famille de David, qui a servi de père au Fils de Dieu, le Christ Jésus, qui a voulu être appelé fils de Joseph et lui a été soumis comme un fils à son père.

Gouel Sant Padrig mat deoc’h holl !

Amzer-lenn / Temps de lecture : 5 minBonne Fête de la Saint Patrick ! Lá …

Un commentaire

  1. Gant Pol Kalvez ha n’eo ket ganin-me eo bet kempennet doare brezhonek ar meulganoù-mañ troet diwar al latin, tennet eus Liderezh an Eurioù gouel an Hollsent.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *