Saints bretons à découvrir

Mab ar Groufalo (Kronikenn Brezhoweb ar sizhun)

Amzer-lenn / Temps de lecture : 3 min

Bep sizhun e vez lusket ur gronikenn gouestlet d’ar chadenn TV Brezhoweb gant Florent Grouin. Skignet e vez ar gronikenn-mañ war gwagennoù ar pemp radio e brezhoneg e-barzh an abadenn Pikouz-Dibikouz lusket gant Enora Molac. Adkavit kronikennoù ‘zo gant ur stumm skañvoc’h ha dre skrid war Ar Gedour.

Kronikenn ar Merc’her 1añ a viz Gwengolo 2021

Bout ‘m boa c’hoant da lakaat ar gaoz war un dresadenn-vev evit ar gronikenn gentañ peogwir e vo an distro-skol a-benn arc’hoazh. Kinniget e vo  ‘pad ur miz an dresadenn vev “Mab Ar Groufalo” war Brezhoweb, evit reiñ plijadur d’ar vugale.

“Mab ar groufalo” a zo un istoer a ya da heul un dresadenn-vev arall anvet « Ar Groufalo », hag a zo bet skignet war Brezhoweb ‘pad an Hañv, met n’eo ket marv mil den ma n’ho peus ket bet an amzer da sellet outi, liammet eo an istoerioù ‘vel-just met distag eo an tresadennoù-bev.

Istoer Mab ar Groufalo

Mab ar Groufalo a faotfe dezhañ mont da bourmen er c’hoadoù

Ar Groufalo neuze, a zo un euzhvil, brasoc’h ha kreñvoc’h evit razh loened ar c’hoadoù, met aon en deus rak ul logodenn vihan. N’eo ket dañjerus al logodenn, tamm ebet, met fin a-walc’h eo hag ijinañ a ra istoerioù evit achapiñ diouzh e breizhourien, al louarn, ar gaouen, an naer hag ar Groufalo ‘vel-just.

Emañ ar Groufalo o vevañ en ur vougev e don ar c’hoadoù, gant e vab. Mab ar Groufalo a faotfe dezhañ mont da bourmen er c’hoadoù ‘vel-just, ober anaoudegezh gant an natur, c’hoari gant al loened arall, met difennet groñs eo dezhañ gant e dad. ‘Blam da ber ? Teñval-tre eo ar c’hoadoù hag eno e c’hellfe en em gavout gant al Logodenn Vil Vras !

Met… Kalonek eo Mab ar Groufalo, ha n’en deus ket aon rak al logodenn, hag un nozvezh, ‘pad m’emañ e dad o kousket, ez a Mab ar Groufalo ‘barzh ar c’hoad don, war roudoù al logodennig, hag aze, e c’hoarvezo dezhañ troioù-kaer da zizoleiñ ‘barzh an dresadenn-vev.

Plijet e vo ar re vihan adal 4 bleiz

Plijet e vo ar re vihan adal 4 bleiz, hag ar re gozh ivez, diwallit gant ar vugale dindan 4 bleiz peogwir e c’hellfent kaout aon rak prantadoù ‘zo. Padout a ra an dresadenn-vev 26 munutenn, hag e vo posupl sellet outi a-hed miz Gwengolo war Brezhoweb en ur c’hortoz programmoù arall.

Just un draig da ouzhpennañ marteze, skignet e vez war Brezhoweb e brezhoneg nemetken, da lâret eo n’eus ket a istitloù e galleg, evit an tadoù pe ar mammoù a na oaront ket ar yezh e vo ret dezhe goulenn gant ar vugale petra ‘zo c’hoarvezet ma n’o deus ket komprenet.

Sellet ouzh an dresadenn-vev (Mab ar Groufalo)

Tañva Mab Ar Groufalo

À propos du rédacteur Florent Grouin

Trentenaire, marié, père de famille, et chrétien engagé dans la cité. Florent Grouin est impliqué dans de nombreux projets associatifs ou politiques pour la Bretagne et la promotion de la langue bretonne.

Articles du même auteur

Brezhoweb, la web-tv 100% en langue bretonne.

C’hoant ho peus da labourat evit Brezhoweb ? (Kronikenn Brezhoweb ar sizhun)

C’hoant ho peus da labourat evit Brezhoweb ? Posupl eo ! Emaomp o klask war-lerc’h unan bennak evit kreñvaat ar skipailh. Ar post kinniget a zo ur post skoazeller war ar produiñ, da lâret eo unan bennak hag a sikouro da broduiñ abadennoù ha da skignañ anezhe.

Ar Groufalo en breton sur brezhoweb.

Ar Groufalo : Le film d’animation en breton à voir sur Brezhoweb en août

Pendant tout le mois d'août, Brezhoweb propose gratuitement sur son site le film d'animation "Ar Groufalo". L'histoire d'une petite souris très maligne, qui invente des histoires pour échapper aux prédateurs de la forêt.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *