Ar Gedour Actualité spirituelle et culturelle de Bretagne
Pal Perc’hirinded ar Vrezhonegerien e Santez-Anna-an-Alre eo bodañ an holl re a gemer perzh hag a zalc’h e eztaol ar feiz e brezhoneg, dreist-holl dre an oferenn.
D’ar 27 a viz Ebrel 2025, an holl vrezhonegerien eus eskopti Gwened hag eskoptioù all eus Breizh a vez pedet d’an oferenn e brezhoneg a vo da 11e, goude-se da-heul an devezh. A-raok an oferenn, un argerzh jubiliek a vo kinniget e brezhoneg gant un emgav da 11e e-tal ar Scala Sancta. Kroget ‘vo gant ur brosesion ha goude tremen eus nor ar jubile, a-raok mont tre er benniliz.
Lidet e vo an oferenn gant an Tad Korentin Samson eus Eskopti Kemper & Leon, ha pediñ a raimp dreist-holl e-pad an ofis-mañ evit an Tad Job an Irien, aet da Anaon nevez zo.
Laiked, beleien, diagonoù, gortozet oc’h evit an devezh emgavioù breudeurel etre holl vrezhonegerien Breizh
e treid Santez Anna. Evel-just, ha pa n’oc’h ket brezhonegerien e viot donemat.
Un devezh gwriziennet, da luskañ Jubile Santez Anna. Evit an degouezh, pediñ a reomp an holl lennerien da vont digant bannieloù hor parrezioù, ha gant o gwiskamant.
- 11e : oferenn (emgav e-tal ar Scala Sancta)
- 2e30 gm : sonadeg ograou, bombard ha telenn
- 3e30 gm : Chapeled
- 4e gm : Gouesperoù
Un digarez mat da ober anaoudegezh gant brezhonegerien gristen all ha da bediñ asamblez evit hon tiegezhioù, ar Vro, an Iliz … Mont a raimpa galon vat !
Daou blas a ginnigomp en hor c’harr-tan adalek leur-genweturañ Daoulaz twilhmod@orange.fr
Moaien zo d’ar re o deus plasoù all da ginnig d’en ober amañ ivez. Mat e vefe !