Gouestlañ e diegezh da Galon sakr Jezuz

D’ar 1añ a viz Here 2025, embannet en deus an Aotrou Laorañs Dognin, eskob Kemper ha Leon,  ul lizher-eskob nevez titlet « N’eo ket me ken Ar C’hrist eo a vev em-unan » (Ga 2,20). Gant an destenn-mañ, pediñ a ra an holl dud feal da brientiñ an emgav bras a vo d’ar 14 a viz Kerzu 2025, deiziad ma vo lidet en iliz-veur Sant Kaourantin e Kemper adneveziñ sakradur eskopti Kemper ha Leon e Kalon-Sakr Jezuz.

War al liamm-mañ, gallout a rit lenn al lizher troet e brezhoneg gant Emglev an Tiegezhioù. Evit gouzout muioc’h diwar-benn ar c’hensakradur, sed aze ul liamm betek pennad Emglev an Tiegezhioù. Eno e kavoc’h un destenn da sikour an tiegezhioù da droniñ Kalon Sakr Jezuz.

TITOUROÙ OUZHPENN

• Film « Sacré Coeur, sont règne n’aura pas de fin, » gant Sabrina ha Steven Gunnell, eus kumuniezh an Emmanouel, skignet gant Saje. Ur c’hinnig kaer eus Kalon Jezuz eo, gant testenioù hag atersadennoù (chapalaned Paray-le-Monial, Tad Potez, hag all).
• Kendalc’h d’ar Gwener 20 a viz C’hwevrer 2026 e skol-veur Loyola Pariz (pe enlinenn) « Ha talvoudus eo c’hoazh an devosion d’ar Galon Sakr ?« 
• Emgavioù en eskopti Kemper & Leon : deiziadoù da zont war lec’hienn an Eskopti
• Levrioù : Pab Frañsez, Karet en deus ac’hanomp (Dilexit nos). Lizher meur diwar-benn karantez denel ha doueel kalon Jezuz-Krist, Montrouge, Bayard, 2024 Pedro Arrupe, Evel m’am eus ho karet. Meveriadurioù war galon Jezuz, Namur, Fidélité, 2004
• Evit kanañ e brezhoneg : O Kalon Sakr kalon Jezuz, Jezuz a holl-viskoazh (Karantez ar Galon Sakr)

Evit donaat en ur vreudeuriezh vihan lec’hel :
• Peseurt doare eus an devosion da Galon Sakr Jezuz am eus dizoloet ?
• Peseurt frazenn el lizher pastorel-mañ he deus fromet ac’hanon dreist-holl (lavarenn viblek pe ur bomm bennak eus Lizher-meur Dilexit nos ar Pab Frañsez)?
• Peseurt jestr(où) gwirion a garantez evit Doue hag an nesañ a glaskin ober evit mont war-raok em buhez speredel ?